De falkeunstner
y.m. Bas Jan Ader
Falle is loslitte
it stuit útmeitsje
datst dy oerjoust
oan swiertekrêft.
Ik bin te mismoedich
om dy te fertellen
dat.
Fêsthâlde is de foarboade
fan fallen. Fêsthâlde
is ûnwissichheid yn 'e fingers.
De oseaan op farre is
horizontaal falle
dan litst de ûnwissichheid
achter by de minsken
dy't dy útswaaie.
Do sjochst my gûlen
do sjochst my fallen
do sjochst my hjirwei gean
dat litsto net los.
Coen Peppelenbos
Geen opmerkingen:
Een reactie posten